Втора програма - Радио 2

На 15 септември 1962 година започнува емитувањето на новата локална скопска програма за слушателите на градов. Тогаш програмата го исполнуваа два едноиполчасовни термини што се емитуваа преку 20 киловатен предавател во Маџари на 202 м. / 1485 kHz. Нејзината посебност најмногу се огледуваше во музичкиот дел на програмата кој се реализираше значително поревијално за разлика од Првата програма. Во 1965 година скопската програма имаше времетраење од 5 часа во работните и 2 часа во неделните денови. Преку вториот канал Радио Скопје во 1967 година се емитуваше програма во времетраење од 1.523 часа. Од тоа на говорната програма отпаѓаат 16, а на музичкиот дел 84 проценти што е карактеристичен сооднос за ваков вид програма. Од 1968 г. Скопска програма прерасна во Втора програма на Радио Скопје и емитуваше 3 часа во утринските часови и попладне од 15.00 до 18.000 часот. Втората програма на Радио Скопје, како конечно оформена целина која во нешто изменет и збогатен вид функционира и денес, беше создадена во 1980 година. Во 1992 г. Втората програма се преименува на преименува во Канал 2000, после се нарича Радио 2000 и Радио Херц.

  Од 27 јануари 2003 г. стартува новата програмска шема на Втората програма на Македонско радио, кое сега се вика Радио 2. Програмата се трансформира во рекреативно-забавна, со многу повеќе музика и музички емисии. Радио 2 емитува 16-часовна програма од 06 до 22 часот, а потоа продолжува програмата на немнозинските заедници од 22 до 02 часот со вести на албански, турски, српски, ромски, влашки и бошњачки јазик. Од 02 до 06 часот се емитува програмата Канал 103.


  Реп. Сев. Македонија 1000 Скопје, бул. „Гоце Делчев“ б.б.
тел. +389 2 5119 899 (централа), +389 02 5119 864 (Радио), +389 02 5119 852 (Радио 2)
web-site: www.mrt.com.mk